HESABLAMA PALATASININ EKSPERTLƏRİ BÖYÜK BRİTANİYAYA GEDƏCƏKLƏR
Azərbaycan Respublikası Hesablama Palatasının ekspertlər qrupu ixtisaslarını artırmaq və təcrübə mübadiləsi aparmaq məqsədi ilə Böyük Britaniyaya gedəcəkdir. Hesablama Palatasından AZƏRTAC-a bildirmişlər ki, bu səfər Böyük Britaniya Milli Auditor Palatası ilə Azərbaycan Hesablama Palatası arasında əməkdaşlıq çərçivəsində həyata keçiriləcəkdir. Azərbaycan auditorlarını noyabrda ölkəmizə gələcək ingilis mütəxəssisləri seçəcəklər. Onlar azərbaycanlı həmkarları ilə birlikdə Böyük Britaniya Milli Auditor Palatasının baş auditoru Con Bonun Bakıya səfərinə hazırlıq işləri görəcəklər.
Bölmənin digər xəbərləri
