Heykəltaraşlıq müsabiqəsinin qalibləri məlum olub
Bakı, 2 dekabr, AZƏRTAC
Mədəniyyət Nazirliyinin “Şuşa İli” ilə bağlı keçirdiyi heykəltaraşlıq müsabiqəsinin qalibləri müəyyən edilib.
Nazirlikdən AZƏRTAC-a bildirilib ki, müsabiqəyə rəssamlar tərəfindən 47 əsər təqdim olunub.
Təsdiq olunmuş işlərin dəyərləndirilməsi və müsabiqənin yekun nəticələri Mədəniyyət Nazirliyinin nəzdində yaradılmış komissiya tərəfindən seçilib.
Ölkə Prezidentinin 2022-ci ilin “Şuşa İli” elan edilməsi haqqında müvafiq Sərəncamına uyğun olaraq keçirilən heykəltaraşlıq müsabiqəsinin əsas məqsədi Azərbaycan incəsənətinin tarixi mərkəzi, Qarabağın baş tacı, Azərbaycanın mədəniyyət paytaxtı - Şuşa şəhərinin zəngin mədəni irsinin təbliği, həmçinin bu irsi özündə təcəssüm etdirən heykəltaraşlıq abidələrinin ərsəyə gətirilməsi və qorunmasına dəstək olmaqdır.
Müsabiqə barədə ətraflı məlumatı bu linkdən - https://culture.gov.az/az/elanlar/152 əldə etmək olar.
Bölmənin digər xəbərləri
