Heyvanların Beynəlxalq Mühafizəsi Günü ilə əlaqədar ekskursiya
Bakı, 15 oktyabr (AZƏRTAC). Azərbaycan Respublikası Dövlət Neft Şirkətinin (ARDNŞ) Ekologiya İdarəsi tərəfindən Heyvanların Beynəlxalq Mühafizəsi Günü ilə bağlı reallaşdırılan tədbirlər çərçivəsində məktəblilər üçün ekskursiya təşkil olunmuşdur.
ARDNŞ-in Ekologiya İdarəsindən AZƏRTAC-a bildirmişlər ki, Bakı şəhərində yerləşən 269 nömrəli orta məktəbin şagirdləri Zoologiya muzeyinə ekskursiya zamanı muzeydə nümayiş etdirilən fiksəedici mayelərdə, qurudulmuş və ya xüsusi preparat halında saxlanılan canlılarla, müxtəlif heyvan növlərinə aid eksponatlarla tanış olmuşlar. Muzeyin əməkdaşları uşaqlara muzeydə qorunan bütün canlılar haqqında ətraflı məlumat vermişlər.
Bölmənin digər xəbərləri
