Hindistan Rusiya neftinin 1 barelini təqribən 2,5 dollar güzəştlə alacaq
Bakı, 9 oktyabr AZƏRTAC
Avropa İttifaqının və ABŞ-ın Rusiyaya qarşı tətbiq etdikləri yeni sanksiyalar paketindən sonra Rusiya Hindistana satdığı “Urals” markalı neftin qiymətində əhəmiyyətli güzəşt edib.
AZƏRTAC “Bloomberg” agentliyinə istinadla xəbər verir ki, noyabr ayı üçün daxil olan sifarişlərdə Hindistan Rusiya neftinin 1 barelini təqribən 2,5 dollar güzəştlə alacaq.
Rəsmi Vaşinqtonun ABŞ-a idxal edilən Hindistan mallarına 50 faiz rüsum tətbiq etməsinə baxmayaraq ucuz neft Hindistanın neftayırma zavodlarını daha çox cəlb edir. “Kpler LTD” konsaltiq şirkətinin hesablamasına görə, noyabr ayında Hindistan Rusiyadan neft idxalını artıraraq sutkada 1,7 milyon barelə çatdıracaq ki, bu da sentyabrdakı idxaldan 6 faiz çoxdur.
Agentlik onu da qeyd edib ki, Hindistan Yaxın Şərqdən və Afrika ölkələrindən də neft almaq üçün məsləhətləşmələr aparır.
Bölmənin digər xəbərləri
