Hindistanda avtobus qəzasında 4 məktəbli ölüb, 12-si yaralanıb
Bakı, 3 aprel, AZƏRTAC
Hindistanın şimalındakı Uttar-Pradeş ştatının Barabanki rayonunda məktəb avtobusunun aşması nəticəsində dörd uşaq ölüb, 12-si yaralanıb.
AZƏRTAC Reuters agentliyinə istinadla xəbər verir ki, avtobusun sürücüsü motosikletlə toqquşmadan yayınmağa cəhd edərkən idarəetməni itirərək aşıb.
Qəza zamanı avtobusda 40-a yaxın məktəblinin və altı müəllimin olduğu bildirilir. Yerli polisin məlumatına görə, yaralılar yaxınlıqda yerləşən tibb müəssisələrinə çatdırılıb.
Hadisə ilə bağlı araşdırma aparılır.
Bölmənin digər xəbərləri
