Hindistanlı professor: Bakının inkişaf təcrübəsi dünya üçün nümunədir
Bakı, 19 may, AZƏRTAC
Ümumdünya Şəhərsalma Forumu dayanıqlı urbanizasiya gündəliyinin formalaşdırılması baxımından dünyada ən mühüm platformalardan biridir.
Bu fikirləri AZƏRTAC-a açıqlamasında Hindistanın CEPT Universitetinin Planlaşdırma fakültəsinin professoru Şaşvata Bandyopadhyay deyib. O qeyd edib ki, forum müxtəlif ölkələrdən olan nümayəndələri bir araya gətirərək innovativ yanaşmaların, mövcud çağırışların və gələcək inkişaf istiqamətlərinin müzakirəsinə imkan yaradır. Onun sözlərinə görə, bu platforma qlobal şəhər inkişafı gündəliyinin müəyyənləşdirilməsi baxımından xüsusi əhəmiyyət daşıyır.
Şaşvata Bandyopadhyay vurğulayıb ki, Azərbaycan, xüsusilə də Bakı şəhəri dayanıqlı şəhərsalma sahəsində mühüm rol oynaya bilər. O bildirib ki, Bakıda müşahidə etdiyi urban inkişaf prosesi onda müsbət təəssürat yaradıb.
Bakı şəhərində həyata keçirilən müasir memarlıq və şəhərsalma layihələri, o cümlədən Heydər Əliyev Mərkəzi kimi nümunələr bir çox ölkələr üçün maraqlı təcrübə ola bilər. Xüsusilə Hindistan şəhəri Bakıdan uğurlu şəhər inkişafı modeli ilə bağlı faydalı təcrübə öyrənə bilər.
Bölmənin digər xəbərləri
