“İDMAN VƏ OLİMPİZM-2004” BEYNƏLXALQ MÜSABİQƏSİNİN MİLLİ MƏRHƏLƏSİNƏ YEKUN VURULMUŞDUR
MOK hər Olimpiya oyunlarından əvvəl belə müsabiqələr keçirir. O, belə müsabiqələrdə ilk dəfə 1999-cu ildə iştirak etmişdir. O zaman milli mərhələnin ən yaxşı 6 işi Lozannada keçirilmiş yekun mərhələsinə göndərilmişdi. Zakir Mehdiyevin “Güləşçi fəndi” və Telman Abbasovun “Milli güləş” işləri 198 ölkə rəssamlarının iştirak etdiyi müsabiqədə dördüncü yeri tutmuş və BOK-un xüsusi diplomuna layiq görülmüşdü. Bu işlər Sidney Olimpiadasında nümayiş etdirilmişdi.
Bu il müsabiqənin milli mərhələsinə həm peşəkar, həm də həvəskar rəssamların 48 əsəri təqdim olunmuşdur.
Heykəltəraşlar Natiq Əliyev “Məşq” əsərinə görə birinci, Xanlar Əhmədov “Olimpiya yadrosu“na görə ikinci, Arif Hacıyev “Oxatan”lara görə üçüncü yerləri tutmuşlar.
Rəssamlar mükafata layiq yerləri belə bölüşdürmüşlər: birinci yerə Telman Abbasovun “Nəsildən-nəslə”, ikinci yerə Rövşən Məmmədovun “Karate”, üçüncü yerə Arif Mərdanovun “İrəli, qələbəyə doğru” rəsmləri layiq görülmüşdür.
Müsabiqə komissiyasının üzvləri həvəsləndirici mükafatlar almış 6 iştirakçının da adlarını elan etmişlər.
Müsabiqənin şərtlərinə görə, qaliblər 1000 ABŞ dolları, ikinci yerin sahibləri 700 dollar, üçüncü yerə layiq görülənlər isə 400 dollar alacaqlar.
Altı ən yaxşı iş isə Lozannaya göndəriləcəkdir. Orada BOK müsabiqəsinə yekun vurulacaqdır.
Bölmənin digər xəbərləri
