İ.Korotçenko: Paşinyan vaxtında kapitulyasiya etməsəydi, Ermənistan tam fəlakətə sürüklənəcəkdi
Moskva, 28 oktyabr, AZƏRTAC
Rusiyalı hərbi ekspert, “Nasionalnaya oborona” jurnalının baş redaktoru İqor Korotçenko İkinci Qarabağ müharibəsi zamanı Azərbaycan rəhbərliyinin hərəkətlərini “savadlı, aydın və strateji nöqteyi-nəzərdən planlaşdırılmış” adlandırıb.
AZƏRTAC xəbər verir ki, ekspert bu barədə özünün teleqram kanalında yazıb.
“Azərbaycan Silahlı Qüvvələrinin “Dəmir yumruq” əks-hücum əməliyyatının nə dərəcədə hərtərəfli, savadlı, dəqiq və strateji nöqteyi-nəzərdən düzgün planlaşdırılmasından bir daha əmin oluram. Qırx dörd gün - vəssalam! Paşinyan vaxtında kapitulyasiya etməsəydi, Ermənistan, ümumiyyətlə, tam fəlakətə sürüklənəcəkdi”, - deyə İ.Korotçenko qeyd edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
