İKT SAHƏSİNDƏ AZƏRBAYCAN-ÇİN ƏMƏKDAŞLIĞI GENİŞLƏNİR

03.03.2006 [10:44]
Çap et
A⁺ A^-

Rabitə və İnformasiya Texnologiyaları Nazirliyindən AZƏRTAC-a bildirmişlər ki, nazir Əli Abbasovun Çin Xalq Respublikasının ölkəmizdəki səfiri Çjan Xayçjou ilə görüşündə ölkələrimiz arasında informasiya-kommunikasiya texnologiyaları (İKT) sahəsində anlaşma memorandumunun imzalanmasının əhəmiyyəti və bu sahədə qarşılıqlı əlaqələrin perspektivləri müzakirə olunmuşdur.

Səfir Azərbaycanda informasiya-kommunikasiya texnologiyalarının inkişafı məqsədi ilə yeni layihələrin həyata keçirilməsini, texnika parklarının yaradılmasını yüksək qiymətləndirmiş, Trans-Asiya-Avropa (TAE) magistral kabel xəttinin Xəzəraltı seqmentinin Qazaxıstana çəkilərək, oradan da Çinə ötürülməsinin əhəmiyyətini qeyd etmişdir.

Görüşdə Çin şirkətlərinin Azərbaycanda İKT sahəsindəki fəaliyyətindən danışılmış, bu müəssisələrin yeni layihələr, sərmayə proqramları həyata keçirdiyi diqqətə çatdırılmışdır.

İKT SAHƏSİNDƏ AZƏRBAYCAN-ÇİN ƏMƏKDAŞLIĞI GENİŞLƏNİR

MÜƏLLİFLƏ ƏLAQƏ

Bölmənin digər xəbərləri