İNCƏSƏNƏT HƏFTƏSİ ÇƏRÇİVƏSİNDƏ “XƏCALƏT” TAMAŞASI GÖSTƏRİLƏCƏKDİR
AZƏRTAC xəbər verir ki, Mədəniyyət və Turizm Nazirliyinin təşkilatçılığı ilə keçirilən “Yaddan çıxmaz Qarabağ” adlı ümumrespublika mədəni-siyasi aksiya-incəsənət həftəsi çərçivəsində oktyabrın 26-da Azərbaycan Akademik Milli Dram Teatrında yazıçı-dramaturq Hüseynbala Mirələmovun “Xəcalət” tamaşası göstəriləcəkdir.
Rejissor Bəhram Osmanovun quruluşunda səhnə həyatı tapan tamaşada əsas rollarda xalq artistləri Nurəddin Mehdixanlı, Yaşar Nuri, Ramiz Novruz, əməkdar artist Mətanət Atakişiyeva və başqaları çıxış edəcəklər.
Qarabağ mövzusundan bəhs edən tamaşanın rəssamı, əməkdar artist İsmayıl Məmmədov, musiqi tərtibatçısı, xalq artisti Səyavuş Kərimidir.
Bölmənin digər xəbərləri
