İndoneziya Prezidenti: Qarşıdakı 1-2 ay ərzində Qəzzaya ilk qoşun bölməsi göndəriləcək

21.02.2026 [12:50]
Çap et
A⁺ A^-

Pekin, 21 fevral, AZƏRTAC

İndoneziya Prezidenti Prabovo Subianto sülhü təmin etmək və atəşkəsi qorumaq üçün Qəzza zolağına 8 min və ya daha çox əsgər göndərməyə hazır olduğunu bildirib.

AZƏRTAC İndoneziya mediasına istinadla xəbər verir ki, Prezident Prabovo Subianto Vaşinqtonda Sülh Şurasının iclasında iştirakdan sonra ölkə jurnalistlərinə müsahibəsində belə deyib. O, təxminən 1-2 ay ərzində ilk qoşun bölməsinin Qəzza zolağına göndəriləcəyini söyləyib.

İndoneziyanın Xarici İşlər Nazirliyi missiyanın humanitar yardım, yenidənqurma və mülki əhalinin qorunmasına yönələcəyini bildirib.

Qeyd edək ki, İndoneziya ilə yanaşı, Mərakeş, Qazaxıstan, Kosovo və Albaniya Qəzzaya qoşun göndərməyə razılıq veriblər.

Şahin Cəfərov

AZƏRTAC-ın xüsusi müxbiri

Pekin