İndoneziyada məktəb binasının uçması nəticəsində ölənlərin sayı 53 nəfərə çatıb
Bakı, 6 oktyabr, AZƏRTAC
İndoneziyanın Şərqi Yava əyalətində məktəb binasının uçması nəticəsində həlak olanların sayı 53 nəfərə çatıb, 104 nəfər isə müxtəlif dərəcəli xəsarətlər alıb.
AZƏRTAC xəbər verir ki, yerli xilasetmə xidmətinin məlumatına görə, hazırda dağıntılar altında qalan şəxslərin axtarışı istiqamətində işlər davam etdirilir. Axtarışlara ağır texnika və xüsusi elektrik avadanlıqları da cəlb olunub.
Xatırladaq ki, məktəb binası sentyabrın 29-da, yüzlərlə şagirdin namaz qıldığı vaxt uçub və nəticədə çox sayda insan dağıntılar altında qalıb.
Bölmənin digər xəbərləri
