İndoneziyanın Azərbaycandakı səfirinin səlahiyyət müddəti başa çatmışdır
Bakı, 7 may (AZƏRTAC). Xarici İşlər Nazirliyinin mətbuat xidmətindən AZƏRTAC-a bildirmişlər ki, iqamətgahı Tehranda yerləşən İndoneziyanın Azərbaycandakı səfiri İvan Viranataatmaca ölkəmizdə diplomatik fəaliyyətinin başa çatması ilə əlaqədar xarici işlər naziri Elmar Məmmədyarov ilə görüşmüşdür.
Görüşdə İ.Viranataatmaca Azərbaycanda İndoneziyanın səfiri olmasından məmnun olduğunu vurğulamışdır. İşlədiyi dövrdə ölkələrimiz arasında münasibətlərin daha da genişləndirilməsi və inkişafı üçün fəaliyyət göstərdiyini söyləyən səfir bu istiqamətdə Azərbaycanın Xarici İşlər Nazirliyi ilə faydalı əməkdaşlığını qeyd etmişdir.
Nazir E.Məmmədyarov diplomata xoş arzularını bildirmiş və gələcək işlərində müvəffəqiyyətlər arzulamışdır.
Bölmənin digər xəbərləri
