İngiltərə Premyer Liqası: "Tottenhem" səfərdə minimal hesabla qələbə qazanıb
Bakı, 25 fevral, AZƏRTAC
Fevralın 25-də futbol üzrə İngiltərə Premyer Liqasının XXVIII turu çərçivəsində iki oyun keçirilib.
AZƏRTAC xəbər verir ki, çempionatda dördüncu pillədə qərarlaşan "Tottenhem" komandası səfərdə "Kristal Palas"la qarşılaşıb. Oyun qonaq komandanın minimal hesablı qələbəsi ilə başa çatıb - 0:1. "Tottenhem"in heyətində 88-ci dəqiqədə Harri Keyn fərqlənib. Beləliklə, xallarının sayını 55-ə yüksəldən “Tottenhem” turnir cədvəlinin dördüncu pilləsində yerin möhkəmləndirib. "Kristal Palas" isə 27 xalla 17-ci yerdədir.
İngiltərə çempionatının XXVIII turuna “Mancester Yunayted” - “Çelsi” qarşılaşması ilə yekun vurulacaq.
Bölmənin digər xəbərləri
