İNKİŞAF ETMİŞ ÖLKƏLƏR QRİP PANDEMİYASI ÜZÜNDƏN 550 MİLYARD DOLLAR İTİRƏ BİLƏR
Dünya Bankının ekspertləri 1999-cu ildə aparılmış tədqiqatları təhlil üçün əsas götürmüşlər. Həmin tədqiqatların nəticələrinə görə, baş verə biləcək qrip pandemiyasından təkcə ABŞ-a 100-200 milyard dollar məbləğində iqtisadi ziyan dəyər.
Məruzədə Dünya Səhiyyə Təşkilatının proqnozları verilmişdir. Proqnozlara görə, mümkün pandemiyadan dünyada 2 milyondan 7,4 milyonadək insan tələf ola bilər. Bununla belə, ekspertlər pandemiyanın baş verə biləcəyi vaxtı, onun miqyasını dəqiq göstərməkdə çətinlik çəkirlər. Bəzi mütəxəssislərin fikrincə, əgər H5N1 “quş qripi” virusunun dəyişməsi nəticəsində əmələ gələcək pandemiya 1918-ci ildə tüğyan etmiş pandemiyaya bənzəsə, ABŞ-da bu bəladan təxminən 1,7 milyon adam, dünyada isə 180-360 milyon adam həlak ola bilər.
Bölmənin digər xəbərləri
