“İNTER”“ PREMYER LİQADA LİDERLİYİNİ DAVAM ETDİRİR
Bakı, 13 aprel (AZƏRTAC). Futbol üzrə Azərbaycan Premyer Liqasında 21-ci turun oyunları başa çatmışdır. Turun ən maraqlı görüşü Tofiq Bəhramov adına Respublika stadionunda “Neftçi” və “Xəzər- Lənkəran” komandaları arasında olmuşdur. Bakılılar əzmkar oyunları sayəsində rəqibini 2:1 hesabı ilə məğlub edərək ardıcıl üçüncü qələbələrini qazanmışlar. “İnter” MOİK üzərində 3:0 hesabı ilə qalib gəlmişdir. “Turan” isə doğma meydanda “Karvan”nın qapısından 4 cavabsız top keçirmişdir. “Qəbələ” - “Olimpik” görüşü isə heç-heçə başa çatmışdır - 1:1.
Turun ilk üç oyununda isə aşağıdakı nəticələr qeydə alınmışdır: “Muğan” - “Qarabağ” - 1:2, “Simurq” - “Bakılı” - 3:0, “Standard” - “Bakı” - 1:2.
Hazırda “İnter” 52 xalla turnir cədvəlində liderliyini davam etdirir. “Bakı” 50 xalla ikinci, “Simurq” isə 44 xalla isə üçüncü pillədədir.
Bölmənin digər xəbərləri
