İNTERNAT MƏKTƏBİNDƏ “UŞAQLAR BİZİM GƏLƏCƏYİMİZDİR!” MÖVZUSUNDA TƏDBİR KEÇİRİLMİŞDİR
Görüşdə “Dirçəliş” GSPRM-in direktoru İslam Baxşəliyev ulu öndər Heydər Əliyevin gələcək nəslin tərbiyəsinə, təhsilimizin inkişafına böyük əhəmiyyət verdiyini, bu siyasi xəttin Prezident İlham Əliyev tərəfindən uğurla davam etdirildiyini vurğulamışdır. O, uşaqları gələcəkdə Vətənə layiq övlad olmağa çağırmışdır.
Məktəbin direktoru Kamran Hacıyev Heydər Əliyev Fondunun “Uşaq evləri və internat məktəblərinin inkişafı” proqramı çərçivəsində bu təhsil ocağının tam təmir edildiyini, bütün lazımi avadanlıqla təmin olunduğunu diqqətə çatdırmış, rəhbərlik etdiyi kollektiv adından Fondun prezidenti, YUNESKO-nun xoşməramlı səfiri, Milli Məclisin deputatı Mehriban xanım Əliyevaya dərin minnətdarlığını bildirmişdir.
Tədbirdə iştirak edən gənc müğənnilər və məzhəkəçilər uşaqlara bol sevinc və gülüş bəxş etmiş, onlarda xoş ovqat yaratmışlar.
“Dirçəliş” GSPRM-in əməkdaşları gətirdikləri ərzaq məhsullarını, hədiyyələri məktəbin rəhbərliyinə, tərbiyəçilərə və uşaqlara təqdim etmişlər.
