Investing.com saytı Azərbaycan Prezidentinin Gürcüstana işgüzar səfəri haqqında yazıb
Madrid, 25 oktyabr, AZƏRTAC
Maliyyə bazarları platformasının ispandilli versiyası olan Investing.com saytında Azərbaycan Prezidenti İlham Əliyevin Gürcüstana işgüzar səfəri haqqında “Azərbaycan elektrik enerjisinin Gürcüstandan keçməklə ixracı barədə planlarını elan edib” sərlövhəli material dərc edilib.
AZƏRTAC xəbər verir ki, saytın yazdığına görə, Gürcüstana işgüzar səfərin gedişində Gürcüstanın Baş naziri İrakli Qaribaşvili ilə birgə mətbuat konfransında Azərbaycan Prezidenti İlham Əliyev öz ölkəsinin beynəlxalq bazarlara elektrik enerjisini qonşu Gürcüstan ərazisindən keçməklə ixrac etmək niyyətini bəyan edib.
Investing.com Azərbaycan dövlət başçısının bu sözlərini oxucuların diqqətinə çatdırır ki, təkcə işğaldan azad edilmiş ərazilərdə 10 giqavat gücündə bərpaolunan enerji növlərindən istifadə etmək mümkündür. Xəzər dənizində müvafiq göstərici 157 giqavata çatır. Bu rəqəm beynəlxalq ekspertlər tərəfindən təsdiq edilib.
Materialda qeyd olunur ki, Azərbaycan 2027-ci ildə təkcə Avropaya qaz ixracını 20 milyard kubmetrə çatdırmağı planlaşdırır.
Investing.com yazır ki, Bakı Avropa və Mərkəzi Asiya ölkələri ilə ticarətin həcmini Bakı-Tbilisi-Qars dəmir yolu və Gürcüstanın dəniz limanları vasitəsilə artıracaq.
AZƏRTAC-ın xüsusi müxbiri
Madrid
Bölmənin digər xəbərləri
