İQTİSADİ İNKİŞAF NAZİRLİYİNİN MƏLUMATI
İqtisadi İnkişaf Nazirliyi tərəfindən həyata keçirilən tədbirlər dövlət əmlakından səmərəli istifadə edilməsinə, dövlət büdcəsinə daxilolmaların artmasına müsbət təsirini göstərməkdədir.
Belə məqsədyönlü tədbirlərin nəticəsidir ki, təkcə yanvar ayı ərzində daşınmaz dövlət əmlakının icarəyə verilməsinə dair 122 icarə müqaviləsi bağlanmış, dövlət əmlakının icarəsindən ay ərzində büdcəyə 838,6 milyon manat vəsait köçürülmüşdür. Dövlət büdcəsinə icarədən daxilolmalar üzrə yanvar ayı üçün müəyyən edilmiş tapşırığa 101 faiz əməl olunmuşdur.
Yanvar ayında icarəyə verilmiş 64 obyekt özəlləşdirilmiş, dövlət büdcəsinə 1,1 milyard manata yaxın vəsait köçürülmüşdür.
2002-ci ilin ilk ayında özəlləşdirilən dövlət müəssisə və obyektlərinin yerləşdiyi 9 torpaq sahəsi həmin müəssisə və obyektlərin mülkiyyətçilərinə satılmışdır. Torpaq sahələrinin özəlləşdirilməsindən dövlət büdcəsinə 165,3 milyon manat vəsait daxil olmuşdur.
Özəlləşdirilən dövlət müəssisə və obyektlərinın yerləşdiyi torpaq sahələrinin icarəyə verilməsinə dair yanvar ayında 4 müqavilə bağlanmışdır.
Bölmənin digər xəbərləri
