İRAN BÖYÜK BRİTANİYADAN MAL İDXALINI QADAĞAN ETMİŞDİR

20.10.2005 [11:13]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, İran hökuməti Tehranın nüvə proqramı barəsində Böyük Britaniya və Cənubi Koreyanın mövqeyi ilə əlaqədar olaraq bu ölkələrdən mal idxalını qadağan etmişdir.

İran hökuməti sentyabrda xəbərdarlıq etmişdi ki, nüvə proqramı məsələsinin BMT Təhlükəsizlik Şurasının müzakirəsinə verilməsini dəstəkləyən dövlətlərlə ticarət əlaqələrini məhdudlaşdıra bilər.

İranın dövlət şirkətlərindən birinin nümayəndəsinin sözlərinə görə, Ticarət Nazirliyi Britaniya və Cənubi Koreya mallarının boykot edilməsi haqqında şifahi sərəncam vermişdir. Rəsmi mənbələr bu informasiyanı təsdiq etmirlər, lakin nazirliyin əməkdaşları bildirirlər ki, belə bir əmr var.

Cənubi Koreyanın xarici işlər naziri Ban Ki-Mun isə, bu informasiyanı nə təsdiq, nə də təkzib etməyəcəyini demişdir.

İRAN BÖYÜK BRİTANİYADAN MAL İDXALINI QADAĞAN ETMİŞDİR

MÜƏLLİFLƏ ƏLAQƏ

Bölmənin digər xəbərləri