İRAN PREZİDENTİ MƏHƏMMƏD XATƏMİ BELARUSA RƏSMİ SƏFƏRƏ GEDƏCƏKDİR

02.09.2004 [18:35]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, İran Prezidenti Məhəmməd Xatəmi bu il sentyabrın 9-11-də Belarusa rəsmi səfərə gedəcəkdir. Bunu sentyabrın 2-də brifinqdə jurnalistlərə Belarus XİN-in İnformasiya idarəsinin rəisi Andrey Savinıx bildirmişdir.

Xatəminin Belarus Prezidenti Aleksandr Lukaşenko, Baş nazir Sergey Sidorski, parlamentin aşağı palatasının sədri Vadim Popov, Milli Elmlər Akademiyasının prezidenti Mixail Myasnikoviçlə görüşləri nəzərdə tutulmuşdur. Danışıqlarda Belarus-İran münasibətlərinin, habelə aktual beynəlxalq məsələlərin müzakirə olunacağı gözlənilir. Bir neçə ikitərəfli sənədin, o cümlədən Belarusla İran arasında qarşılıqlı münasibətlərin və əməkdaşlıq prinsiplərinin əsaslarına dair müqavilənin imzalanması planlaşdırılır.

Milli Elmlər Akademiyasında Məhəmməd Xatəmi “Sivilizasiyaların dialoqu” mövzusunda məruzə ilə çıxış edəcəkdir.