İRAN VELOSİPEDÇİLƏRİ ŞƏHİDLƏR XİYABANINI VƏ FƏXRİ XİYABANI ZİYARƏT ETMİŞLƏR
Bakı, 19 yanvar (AZƏRTAC). 20 Yanvar faciəsinin 19-cu ildönümü münasibətilə İrandan başlanmış veloyürüşün iştirakçıları yanvarın 19-da Fəxri xiyabana gələrək ümummilli lider Heydər Əliyevin xatirəsini yad etmiş, məzarı önünə əklil qoymuşlar.
Veloyürüşçülər görkəmli oftalmoloq-alim, akademik Zərifə xanım Əliyevanın məzarı önünə gül dəstələri düzmüşlər.
Daha sonra marafon iştirakçıları Şəhidlər xiyabanına gedərək Azərbaycanın müstəqilliyi uğrunda canlarından keçmiş şəhidlərimizin xatirəsini yad etmiş, “Əbədi məşəl” önünə əklil qoymuşlar.
Qeyd edək ki, İranın 20-dək idmançısının iştirak etdiyi yürüş Parsabad şəhərindən başlamışdır. Velosipedçilər yanvarın 18-də Biləsuvarda şəhər ictimaiyyəti ilə görüşmüşlər. İran idmançıları Azərbaycan velosipedçiləri ilə birgə təlim-məşq toplanışları keçirmək üçün daha 2 gün Bakıda qalacaqlar.
Bölmənin digər xəbərləri
