İRANIN PARALİMPİYAÇI CÜDOÇULARI SUMQAYITDA TƏLİM–MƏŞQ TOPLANIŞI KEÇİRLƏR
İranın paralimpiyaçı cüdoçulardan ibarət milli yığma komandası
Sumqayıtda təlim-məşq toplanışı keçir. Azərbaycan paralimpiyaçıları ilə birgə keçirilən toplanışlar mayın 22-dək davam edəcəkdir.
Azərbaycan yığma komandası toplanışlarda baş məşqçi Əhməddin Rəcəbli və məşqçilər İbrahim İbrahimov, Tərlan Poladov, Yengibar Əliyevin rəhbərliyi ilə dünya və Avropa çempionatlarının qalib və mükafatçıları Ramin İbrahimov (60 kq), İlkin Alışov (66 kq), Ramin Əliyev (73 kq), Natiq Novruzzadə (81 kq), Tofiq Məmmədov (91 kq), Kərim Sərdarov (100 kq) və İlham Zəkiyevdən (100 kq-dan yuxarı) ibarət heyətlə iştirak edir.
Qeyd edək ki, Azərbaycan və İran kişilər arasında cüdo üzrə Pekin Yay Paralimpiya Oyunlarına 7 lisenziya qazanmış yeganə ölkələrdir.
Bölmənin digər xəbərləri
