İRAQDA İKİ TÜRK GİROV GÖTÜRÜLMÜŞDÜR

26.08.2004 [13:38]
Çap et
A⁺ A^-

AZƏRTAC-ın Anadolu Agentliyindən aldığı xəbərdə deyilir ki, İraqda iki türk girov götürülmüşdür. Yaraqlılar ultimatum verərək bildirmişlər ki, türklərin əməkdaşlıq etdikləri firma 72 saat ərzində İraqda fəaliyyətini dayandırmasa, girovları öldürəcəklər.

Agentliyin məlumatına görə, elektrik mühəndisləri Abdulla Özdəmir və Əli Daşqın elektrik avadanlığını sazladıqları obyektdə oğurlanmışlar. Türkiyənin NTV kanalının göstərdiyi videolentdə girovların pasportları da nümayiş etdirilmişdir. Onların işlədikləri firmalar avqustun 25-də birgə bəyanat yayaraq bildirmişlər ki, İraq yaraqlılarının girov saxladıqları Türkiyə vətəndaşlarının buraxılmasına kömək üçün öz işçilərini İraqdan çıxarmağı qərara almışlar.

Xatırladaq ki, son vaxtlar İraqda Türkiyənin bir neçə vətəndaşı oğurlanmış, ayın əvvəlində isə onlardan biri öldürülmüşdür.