İri sənaye şəhərlərinin atmosfer havasında kükürd və dəm qazı normadan aşağı düşmüşdür
Bakı, 29 sentyabr (AZƏRTAC). Ekologiya və Təbii Sərvətlər Nazirliyi sentyabrın 29-u üçün iri sənaye şəhərlərində atmosfer havasının gözlənilən çirklənmə vəziyyətini təhlil etmişdir.
Nazirliyin mətbuat xidmətindən AZƏRTAC-a verilən məlumata görə, Bakıda tozun miqdarı 0.5-1.0 milliqram/kubmetr, Mingəçevirdə 0.5-1.0 milliqram/kubmetr olmaqla, yol verilən qatılıq həddini (0.5 milliqram/kubmetr) keçmişdir. Gəncə və Naxçıvanda tozun səviyyəsi norma daxilində dəyişmişdir. Sumqayıt, Şirvan və Şəkidə bu zərərli maddə ümumiyyətlə müşahidə olunmamışdır.
Məlum olmuşdur ki, iri sənaye şəhərlərinin atmosferində kükürd və dəm qazı normadan aşağıdır.
His isə yalnız paytaxtda qeydə alınmışdır.
Bölmənin digər xəbərləri
