İşğaldan azad olunmuş ərazilərdə tullantıların idarə edilməsi üçün infrastruktur yaradılacaq
Zəngilan, 13 mart, AZƏRTAC
İşğaldan azad edilmiş ərazilərdə 33 ədəd SES/KSES-lərin bərpası, 47-sinin tikintisi, 140 meqavat gücündə 2 ədəd SES-in tikintisi və inteqrasiyası, 3 rayonda mikromobillik zolaqlarının yaradılması, 2 yeni milli parkın və mikrorezervatların yaradılması nəzərdə tutulur.
AZƏRTAC xəbər verir ki, bunu Ekologiya və Təbii Sərvətlər Nazirliyinin Ətraf mühitin və təbii sərvətlərin idarə edilməsi şöbəsinin sektor müdiri Amil Seyfiyev martın 13-də Zəngilan rayonunda keçirilən Ekoloji məsələlər üzrə İşçi qrupunun iclasında deyib.
Onun sözlərinə görə, həmin ərazilərdə 7 dəst avtomat hidroloji stansiyanın quraşdırılması, 2 rayonda ötürücü məntəqənin, 6 rayonda poliqonun tikintisi, 710 hektar ərazidə yeni meşəliklərin bərpası, 12 rayonun rəqəmsal radioloji xəritəsinin hazırlanması da planlaşdırılır.
Amil Seyfiyev işğaldan azad edilmiş ərazilərdə tullantıların idarə edilməsi üçün infrastrukturun yaradılacağını da diqqətə çatdırıb.
Müxbir - Göyçək Mahmudlu
Fotoqraf - Səfiyar Məcnun
Bölmənin digər xəbərləri
