İSLAM İNKİŞAF BANKI AZƏRBAYCANA FAİZSİZ KREDİT AYIRMIŞDIR

20.08.2003 [16:44]
Çap et
A⁺ A^-

İslam İnkişaf Bankı “Zəlzələnin nəticələrinin aradan qaldırılması” layihəsinin icrası üçün Azərbaycana 9 milyon ABŞ dolları məbləğində faizsiz kredit ayırmışdır.

İşğaldan Azad Olunmuş Ərazilərin Bərpası və Yenidən Qurulması üzrə Agentliyin direktoru Əli Məmmədov müxbirimizə demişdir ki, Azərbaycan Prezidenti Heydər Əliyevin göstərişinə uyğun olaraq, həmin vəsait Bakı şəhərində 40 orta məktəbin, 200-ə yaxın evdə 16 min mənzilin qaz təchizatının bərpası, habelə Mingəçevir su anbarının sağ sahilində baş vermiş torpaq sürüşməsinin aradan qaldırılması layihələrinin icrasına sərf ediləcəkdir. Bu layihələr üzrə tender elan edilmişdir.

Həmin layihələrin icrasına ölkəmizdə 15 oktyabr prezident seçkiləri gününədək başlamaq nəzərdə tutulur.