İsrail Prezidenti hökuməti formalaşdırmağı Netanyahuya həvalə edib
Bakı, 6 aprel, AZƏRTAC
İsrail Prezidenti Rouven Rivlin martın 23-də keçirilən parlament seçkilərinin nəticələri əsasında yeni hökuməti formalaşdırmaq vəzifəsini Baş nazir Binyamin Netanyahuya həvalə etmək qərarına gəlib.
AZƏRTAC bu barədə TASS informasiya agentliyinə istinadla xəbər verir. İsrail qanunlarına əsasən, hökuməti formalaşdırmaq üçün 28 gün ayrılır və bu müddəti yalnız iki həftə artırmaq mümkündür.
“Mən Knesset üzvlərinin deputat Binyamin Netanyahunun hökuməti qurmaq şansının daha çox olması barədə tövsiyələrinə əsasən bu qərara gəldim və müvafiq olaraq bunu ona həvalə etdim”, - deyə Rouven Rivlin prezident dəftərxanası tərəfindən yayımlanan xüsusi müraciəti zamanı bildirib.
Bölmənin digər xəbərləri
