İSRAİL QÜDRƏTİNƏ GÖRƏ DÜNYADA ALTINCI NÜVƏ DÖVLƏTİ SAYILMIŞDIR

13.05.2006 [19:43]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Britaniyanın nüfuzlu “Ceyns difens uikli” həftəlik hərbi qəzeti İsraili qüdrətinə görə dünyada altıncı nüvə dövləti sayır. Jurnalın baş redaktoru Con Oldric demişdir: “İsrailin atom proqramının qeyri-şəffaflığına baxmayaraq, mütəxəssislərin fikrincə, bu ölkənin azı 200 nüvə döyüş başlığı var”. İsrail nüvə silahına malik olduğunu heç vaxt rəsmən nə təsdiq, nə də təkzib etmişdir.

Rəsmi “nüvə klubu”na beş dövlət - Rusiya, ABŞ, Böyük Britaniya, Fransa və Çin daxildir. Bəzi ölkələr uzun illərdir nüvə silahı hazırlamaq sahəsində az-çox uğurlu nəticələr əldə etmişlər. Hərbi analitiklər bu ölkələrə Hindistan, Pakistan, İran və Şimali Koreyanı aid edirlər. Lakin nüvə döyüş başlıqlarını daha uzaq məsafələrə çatdırmaq imkanlarının olmaması bu tədqiqatların səmərəliliyini azaldır.

İsrail, Hindistan və Pakistan nüvə silahının yayılmaması haqqında müqaviləni imzalamaqdan boyun qaçırmışlar.

Qəzetin yazdığına görə, bəzi ölkələr qısa müddətdə “fövqəlsilah” yaratmaq üçün təcrübi imkanlardan daha çox nəzəri imkanlara malikdirlər.

İSRAİL QÜDRƏTİNƏ GÖRƏ DÜNYADA ALTINCI NÜVƏ DÖVLƏTİ SAYILMIŞDIR

MÜƏLLİFLƏ ƏLAQƏ

Bölmənin digər xəbərləri