İSTİFADƏYƏ YARARSIZ DƏRMAN AŞKAR OLUNMUŞDUR
Səhiyyə Nazirliyinin İnnovasiya və Təchizat Mərkəzinin mütəxəssisləri topdansatış şirkətlərinin, habelə əczaçılıq anbarlarının gətirdikləri dərmanların keyfiyyətinin yoxlanılmasına başlamışlar. Nazirliyin mətbuat xidmətindən AZƏRTAC-ın müxbirinə bildirmişlər ki, “Farmetik Ltd” müəssisəsinin ölkəmizə gətirdiyi, Türkiyənin “AS Farm” şirkətinin istehsalı olan dərman preparatları arasında ipubren (507070 seriyalı, saxlama müddəti 07.2007) preparatı istifadəyə yararsız sayılmışdır. Reydlər zamanı müəssisənin anbarında ölkəmizə qanunsuz yolla gətirilən 21 adda və vaxtı keçmiş 2 növ dərman aşkar olunmuşdur. Müəssisədə yoxlama davam edir.
Bölmənin digər xəbərləri
