İSTİQLAL MUZEYİNDƏ 20 YANVAR FACİƏSİNƏ HƏSR OLUNMUŞ FOTOSƏRGİ AÇILACAQDIR
Bakı, 12 yanvar (AZƏRTAC). Yanvarın 18-də Azərbaycan İstiqlal Muzeyində 20 Yanvar faciəsinin 20 illiyinə həsr olunmuş fotosərgi açılacaqdır.
Muzeyin direktoru Fəridə Şəmsi demişdir ki, sərgidə AZƏRTAC-ın Fotoinformasiya baş redaksiyasının mərhum baş redaktoru Oqtay Məmmədovun 20 Yanvar hadisələrinə həsr edilmiş fotoşəkilləri nümayiş etdiriləcəkdir. Bu qiymətli fotoları muzeyə tanınmış sənətkarın oğlu Aydın Məmmədov təqdim etmişdir.
F.Şəmsi vurğulamışdır ki, tədbirdə O.Məmmədovun faciəyə həsr edilmiş 20-dən çox fotoəsəri sərgilənəcəkdir.
Sərgi yanvarın 25-dək davam edəcəkdir.
Bölmənin digər xəbərləri
