İsveç-Azərbaycan Federasiyası Xocalı soyqırımının tanınması tələbi ilə Avropa Parlamentinə müraciət edib

25.02.2016 [19:40]
Çap et
A⁺ A^-

Stokholm, 25 fevral, AZƏRTAC

İsveç-Azərbaycan Federasiyası Xocalı soyqırımının 24-cü ildönümü ərəfəsində Avropa Parlamentinə, İsveç parlamentinə və İsveçin xarici işlər naziri Marqot Valströmə müraciət ünvanlayıb.

Müraciətdə 1992-ci il fevralın 26-da erməni silahlı qüvvələrinin Xocalı şəhərinin dinc sakinlərinə qarşı törətdiyi soyqırımı aktı barədə məlumat verilib. Xocalı soyqırımının Azərbaycan tarixinin ən dəhşətli səhifələrindən biri olduğu diqqətə çatdırılıb, bütün bu faktlara baxmayaraq bu günədək Avropa Parlamentinin bu soyqırımını tanımamasının təəssüf doğurduğu bildirilib.

Müraciətdə deyilir: “Beynəlxalq konvensiyalar, qəbul edilmiş beynəlxalq sənədlər Xocalı soyqırımı və buna bənzər hadisələri pisləyir və qəbuledilməz sayır. Soyqırımı cinayətinin qarşısının alınması və cəzalandırılması haqqında BMT Konvensiyasına əsasən Ermənistan hökuməti beynəlxalq hüquq qarşısında cavab verməyə vadar edilə bilər. Hazırda Ermənistanda hakimiyyətdə olan Serj Sarkisyan, Seyran Ohanyan, eləcə də keçmiş prezident Robert Köçəryan və digər şəxslər beynəlxalq məhkəmə qarşısında cavab verməlidirlər”.

Rauf Əliyev

AZƏRTAC-ın xüsusi müxbiri

Stokholm