İtaliyalı professor: Qadınlar şəhərlərin gələcəyi üçün böyük ümid mənbəyidir
Bakı, 19 may, AZƏRTAC
Qadınlar şəhərlərin ruhudur və bu yaşayış məntəqələrində həyata keçirilən bütün dəyişikliklər onların ehtiyaclarına uyğun qurulmalıdır. Əgər bir şəhər qadınlara uyğun şəkildə formalaşdırılıbsa, deməli, ora hər kəs üçün əlverişlidir.
Bunu AZƏRTAC-a müsahibəsində Neapol Universitetinin müəllimi, professor Tereza Bokya deyib.
O bildirib ki, çox vaxt şəhər mühitində, nəqliyyatda və ümumilikdə urbanizasiya ilə bağlı məsələlərdə qadınlar nəzərə alınmır: "Onlar görünməyən subyektlər kimi qəbul edilirlər. Eyni zamanda, tez-tez qadınların həssas və zəif qrup olduğu düşünülür, amma bu doğru deyil. Qadınlar dəyişiklik yaradan əsas qüvvədir. Onlar şəhərlərin gələcəyi üçün böyük ümid mənbəyidir. Çünki gündəlik həyatlarında qadınlar konkret fəaliyyətləri ilə davamlı inkişafın formalaşmasına töhfə verirlər. Bu baxımdan düşünürəm ki, bu kimi platformalar bütün fəaliyyətlərin mərkəzində şəhərin bütün təbəqələrinin dayanmasının vacibliyini nümayiş etdirmək üçün yaxşı imkandır. Xüsusilə də bu insanların şəhərin və ümumiyyətlə, dünyanın gələcəyinin əsas iştirakçıları kimi qəbul olunması çox önəmlidir".
Bölmənin digər xəbərləri
