KARATEÇİMİZ BEYNƏLXALQ TURNİRİN QIZIL MEDALINI QAZANMIŞDIR
16 ölkədən 200-ə yaxın idmançının çıxış etdiyi yarışda ölkəmizi məşqçi Rafael Məmmədovun rəhbərliyi ilə 4 karateçi təmsil etmişdir. Şahin Atamov (75 kq) bütün rəqiblərini məğlub edərək, turnirin qızıl medalına sahib olmuşdur. Emil Xasıyev (60 kq), Salman Balayev (65 kq), Xəyal Fərhadov (70 kq) yarımfinala çıxmaq üçün döyüşlərdə uduzaraq, medallar uğrunda mübarizəni dayandırmışlar.
Uşaq və yeniyetmələrdən ibarət yığma komandalarımız isə mayın 4-6-da Ukraynada keçiriləcək beynəlxalq turnirə hazırlaşırlar. 10-dək ölkədən 300-dən artıq idmançının mübarizə aparacağı yarışda ölkəmizi 26 karateçi təmsil edəcəkdir.
Bölmənin digər xəbərləri
