Karen Donfrid: ABŞ Azərbaycanla enerji sahəsində əməkdaşlığı yüksək qiymətləndirir
Bakı, 16 iyun, AZƏRTAC
Rusiya-Ukrayna müharibəsi səbəbindən bu gün Azərbaycan enerji təhlükəsizliyində daha vacib rol oynayır.
AZƏRTAC xəbər verir ki, bu sözləri ABŞ Dövlət katibinin Avropa və Avrasiya məsələləri üzrə köməkçisi Karen Donfrid iyunun 16-da keçirdiyi mətbuat konfransında bildirib.
O qeyd edib ki, ABŞ Azərbaycanla enerji sahəsində əməkdaşlığı yüksək qiymətləndirir.
“Xüsusilə Avropanın enerji təhlükəsizliyində Cənub Qaz Dəhlizinin rolunu vurğulamaq istərdim. Həmçinin Əfqanıstanda ABŞ-a verdiyi dəstəyə görə Azərbaycana minnətdarıq. NATO qoşunlarının və ABŞ hərbçilərinin Əfqanıstandan çıxarılması asan olmadı. Azərbaycan hərbçiləri bizimlə sona qədər orada qaldılar. Biz bunu yüksək qiymətləndiririk", - deyə Karen Donfrid qeyd edib.
Bölmənin digər xəbərləri
