Kastamonu valisi “Can Azərbaycana bir məktubum var” kampaniyasına qoşulub
Ankara, 21 dekabr, AZƏRTAC
Türkiyənin qədim Kastamonu şəhərində həyata keçirilən “Can Azərbaycana bir məktubum var” kampaniyası davam edir.
Qardaş ölkədə fəaliyyət göstərən Müharibə qurbanı qazilər, şəhid, dul və yetimlər dərnəyinin sədri Berat Satıoğlunun AZƏRTAC-a verdiyi məlumata görə, Kastamonu valisi Avni Çakır da qardaşlıq və həmrəylik kampaniyasına qoşularaq Azərbaycana olan tükənməz sevgisini nümayiş etdirib.
Məktubunda erməni vandallarının onilliklər boyu xalqlarımıza qarşı törətdikləri ağır cinayətləri xatırladan Avni Çakır işğal altındakı torpaqlarımızın azad olunmasını böyük məhəbbətlə qarşıladığını ifadə edib. Məktubda qeyd olunub: “Bütün müsəlman və türk dünyasına, azərbaycanlı qardaşlarıma, Qarabağı otuz illik həsrətin ardından ana vətənə qovuşduran Azərbaycan Ordusunun şanlı heyətinə salamlar olsun!”
Qeyd edək ki, Kastamonu valisinin qardaşı Ali Çakır 1993-cü ildə PKK terrorçularının Van vilayətində törətdiyi terror aktında şəhid olub.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
