Keçən il Azərbaycan ərazisində baş verən zəlzələlərin 18-i hiss olunub
Bakı, 7 yanvar, AZƏRTAC
Ötən il Azərbaycan ərazisində maqnitudası 3-dən yuxarı olan 91 zəlzələ baş verib. Yeraltı təkanlardan 18-i hiss edilib. İl ərzində ən güclü zəlzələ isə avqustun 1-də 5, 6 bal gücündə İmişli ərazisində olub.
AZƏRTAC xəbər verir ki, bu faktlar 2016-cı ildə AMEA nəzdində Respublika Seysmoloji Xidmət Mərkəzində aparılmış elmi-istehsalat işlərinə dair illik hesabatda əks olunub.
Hesabatda qeyd olunur ki, il ərzində Respublika Seysmoloji Xidmət Mərkəzinin 42 seysmik stansiyası tərəfindən (35 daimi və 7 stasionar) 9905 zəlzələ qeydə alınıb. Bundan başqa, Azərbaycan ərazisində və dünyada olan 15 minə yaxın zəlzələ Respublika Seysmoloji Xidmət Mərkəzi tərəfindən təhlil edilib.
Bölmənin digər xəbərləri
