KƏNDLƏRDƏ İDMAN-SAĞLAMLIQ ŞURASI YARADILIR
AZƏRTAC-ın müxbiri xəbər verir ki, Tovuz rayonunun Aşağı Ayıblı kənd icmasının ümumi yığıncağında 9 üzvdən ibarət İdman-sağlamlıq şurası yaradılmışdır. bp-Azərbaycan şirkətinin maliyyələşdirdiyi sağlamlıq proqramını beynəlxalq səhiyyə korpusu həyata keçirir. Bakı-Tbilisi-Ceyhan əsas ixrac boru kəmərinin keçdiyi ərazilərdə yerləşən 30 kənddə İdman sağlamlıq şuraları yaradılır. Onların əsas vəzifəsi ilkin tibb müəssisələri ilə beynəlxalq korpus arasında əlaqələndirici rolunu oynamaqdır. Şuralar yerlərdəki səhiyyə problemlərini öyrənəcək, aztəminatlı ailələrin tibbi müayinəyə cəlb olunmasına kömək göstərəcək və tibbi sığorta fondu yaradacaqdır.
Bölmənin digər xəbərləri
