“KİBERNETİKA VƏ İNFORMATİKA PROBLEMLƏRİ” MÖVZUSUNDA BEYNƏLXALQ KONFRANSIN AÇILIŞI OLMUŞDUR

25.10.2006 [10:34]
Çap et
A⁺ A^-

AZƏRTAC xəbər verir ki, oktyabrın 24-də Azərbaycan Milli Elmlər Akademiyası (AMEA) rəyasət heyətinin akt zalında “Kibernetika və informatika problemləri” mövzusunda beynəlxalq konfrans öz işinə başlamışdır. Tədbirdə Azərbaycan, Rusiya, ABŞ, Almaniya, Gürcüstan, Latviya və digər ölkələrin elm adamları iştirak edirlər.

Akademik İsmayıl İbrahimov və AMEA-nın müxbir üzvü Asəf Hacıyev Azərbaycanda kibernetika elminin tarixi və əldə edilmiş uğurlar, son vaxtlar bu sahədə ixtisaslı kadrların hazırlanması üzrə görülən işlər barədə məlumat vermişlər.

Hesablama texnologiyalarının dünyada mühüm rol oynadığını qeyd edən rabitə və informasiya texnologiyaları naziri Əli Abbasov, Prezident İlham Əliyevin təşəbbüsü ilə bu sahənin inkişafı üçün respublikamızda həyata keçirilən tədbirləri diqqətə çatdırmışdır.

Almaniyanın Hagen Universitetinin nümayəndəsi Otto Moşlin və Moskva Dövlət Universitetinin əməkdaşı Yevgeni Çepurin azərbaycanlı həmkarları ilə sıx əməkdaşlıq etdiklərini bildirmiş, ölkəmizn yüksək elmi potensiala malik olduğunu söyləmişlər.

Konfrans oktyabrın 26-da başa çatacaqdır.

“KİBERNETİKA VƏ İNFORMATİKA PROBLEMLƏRİ” MÖVZUSUNDA BEYNƏLXALQ KONFRANSIN AÇILIŞI OLMUŞDUR

MÜƏLLİFLƏ ƏLAQƏ

Bölmənin digər xəbərləri