Kimyaçılar 31 Mart - Azərbaycanlıların Soyqırımı Gününü anım tədbirləri ilə qeyd etmişlər
Sumqayıt, 1 aprel (AZƏRTAC). “Azərikimya” İstehsalat Birliyinin (İB) kollektivi 1918-1920-ci illərdə erməni daşnaklarının azərbaycanlılara qarşı törətdikləri soyqırımı qurbanlarının xatirəsini Şamaxıda keçirdikləri silsilə tədbirlərlə yad etmişlər.
İB-nin mətbuat xidmətindən AZƏRTAC-a bildirmişlər ki, anım tədbiri çərçivəsində kimyaçılar, Sumqayıt ziyalıları Şamaxıya səfər etmiş, Nuru Paşanın rəhbərliyi ilə 95 il əvvəl Azərbaycana qardaş köməyinə gələrək ağır döyüşlərdə qəhrəmancasına həlak olmuş türk zabit və əsgərlərinin Acıdərə ərazisindəki məzarı önünə əklil qoymuş, xatirələrini ehtiramla yad etmişlər.
Sumqayıtlılar daha sonra Şamaxıdakı Heydər Əliyev Mərkəzində olmuş, orada erməni vəhşiliklərini əks etdirən materiallarla tanış olmuş, sənədli filmə baxmışlar.
“Azərikimya” İB-nin Müşahidə Şurasının sədri, Milli Məclisin deputatı Muxtar Babayev vurğulamışdır ki, ulu öndər Heydər Əliyevin və Azərbaycan Respublikasının Prezidenti İlham Əliyevin son 20 ildə apardıqları uğurlu xarici siyasət nəticəsində erməni millətçilərinin iç üzü açılmış, saxtakarlıqları, işğalçılıq siyasəti dünya ictimaiyyətinə daha geniş tanıdılmışdır.
Bölmənin digər xəbərləri
