Kişi və qadın voleybolçuların Yüksək Liqasında növbəti turun cədvəli məlum olub
Bakı, 19 fevral, AZƏRTAC
Qadın və kişi voleybolçuların Yüksək Liqasında növbəti turun oyunlarının vaxtı məlum olub.
AZƏRTAC xəbər verir ki, fevralın 20-də qadın voleybolçuların çempionatında XIV tura start veriləcək. Turnir cədvəlinin ikinci pilləsində qərarlaşan “Murov Az Terminal” bu mövsüm qələbəyə həsrət qalan UNEC-lə qarşılaşacaq. UNEC-in idman zalında reallaşacaq görüş saat 18:00-da başlayacaq.
Eyni gündə və saatda “Abşeron” Gənclər və İdman Nazirliyinin (GİN) Voleybol Mərkəzində “Gəncə”ni qəbul edəcək.
Tura fevralın 21-də “Milli Aviasiya Akademiyası” - “Azərreyl” matçı ilə yekun vurulacaq. GİN-in Voleybol Mərkəzində təşkil olunacaq oyunun start fiti saat 18:00-da səslənəcək.
Kişi voleybolçuların Yüksək Liqasında isə fevralın 21-də “Murov Az Terminal” Gənclər və İdman Nazirliyinin Voleybol Mərkəzində “Neftçi”ni qəbul edəcək. Qarşılaşma saat 15:00-da başlayacaq.
Bir gün sonra eyni saatda “Azərreyl” MOİK-i “Murov Az Terminal”ın idman zalında sınağa çəkəcək.
Bölmənin digər xəbərləri
