Kişilər arasında “Wimbledon-2021” turnirinin birinci finalçısı məlum olub
Bakı, 9 iyul, Nicat Məmmədov, AZƏRTAC
İyulun 9-da tennis üzrə kişilər arasında “Böyük Dəbilqə” seriyasından London açıq turnirində (Wimbledon) yarımfinal mərhələsinə start verilib.
AZƏRTAC xəbər verir ki, yarımfinal mərhələsinin birinci oyununda Matteo Barrettini (İtaliya) və Xubert Qurkaç (Polşa) üz-üzə gəlib. İki saatdan çox davam edən görüş İtaliya təmsilçisinin qələbəsi ilə başa çatıb - 3:1 (6:3, 6:0, 6:7, 6:4)
Dörddəbir finalda Matteo Barretti kanadalı Oje-Alyassimidən (6:3, 5:7, 7:5, 6:3), Xubert Qurkaç isə isveçrəli Rojer Federerdan (6:3, 7:6, 6:0) güclü olub.
Mərhələnin digər görüşündə Novak Cokoviç (Serbiya) Kanada təmsilçisi Denis Şapovalovla üz-üzə gələcək.
Qeyd edək ki, “Wimbledon” mövsümün üçüncü “Böyük Dəbilqə” turniridir. Turnirə iyulun 11-də yekun vurulacaq. Sayca 134-cü turnirin ümumi mükafat fondu 40 milyon avro təşkil edir. Bu turnirin sonuncu çempionu 2019-cu ildə serbiyalı Novak Cokoviç olub. Ötən il pandemiya səbəbindən “Wimbledon” turniri keçirilməyib.
Bölmənin digər xəbərləri
