Kitabxana istedadlı oxucularının əl işlərini təqdim edib
Bakı, 6 iyul, AZƏRTAC
Bakı Şəhər Mədəniyyət Baş İdarəsi koronavirus pandemiyasının geniş yayılmasına qarşı ölkə ərazisində keçirilən ciddi karantin şəraitində əhalinin asudə vaxtının təşkili, özünüinkişafının təmin edilməsi və istedadların araşdırılması məqsədilə müxtəlif təşəbbüslər və çağırışlar irəli sürüb.
İdarədən AZƏRTAC-a bildirilib ki, bu çağırışlar içərisində #evdeqalresmcek, #evdeqalelisleri-ləri də var. Səbail rayon Mərkəzləşdirilmiş Kitabxana Sisteminin 3 nömrəli filialının oxucuları Natəvan Kəlbiyeva, Fidan Qafarova və Aytac Həsənova öz əl işləri ilə bu çağırışlara qoşulublar. Kitabxana mütəmadi olaraq internet üzərindən əlaqə saxladığı istedadlı oxucularının əsərləri əsasında virtual sərgi təşkil edərək, onu sosial mediada paylaşıb.
Çağırışa qoşularaq oxucular öz hazırladıqları əl işlərini nümayiş etdirməklə, pandemiya dövründə #evdeqal-araq hamıya öz bacarıqlarını üzə çıxarmağı tövsiyə ediblər.
Bölmənin digər xəbərləri
