KİV: Pentaqon yeni hipersəs raketinin sınağını keçirə bilər
Bakı, 6 mart, AZƏRTAC
Gələn həftə Pentaqon saatda 24 min kilometr sürət yığa bilən yeni hipersəs raketinin sınağını həyata keçirə bilər.
AZƏRTAC “The Sun” qəzetinə istinadla xəbər verir ki, çəkisi 3 ton, uzunluğu 6,7 metr olan və havadan buraxılan AGM-183 “Air-launched Rapid Response Weapon” (ARRW) hipersəs raketinin sınaqları Sakit okeanın qərbində baş tutacaq.
Nəşrin iddiasına görə, ötən həftəsonu pilotlara və dənizçilərə müvafiq təlimatlar göndərilib. Lakin raketin gözlənilən sınağı barədə hələ ki, rəsmi məlumat yoxdur və bu, yalnız ehtimallara əsaslanır.
Bölmənin digər xəbərləri
