SİYASƏT
Kiyevdə səs verən seçici: Qalib ölkənin vətəndaşı olaraq Zəfər seçkilərində iştirak edirəm
![Kiyevdə səs verən seçici: Qalib ölkənin vətəndaşı olaraq Zəfər seçkilərində iştirak edirəm](/files/2024/1/1200x630/1707305489771034327_1200x630.jpg)
Kiyev, 7 fevral, AZƏRTAC
İlk dəfədir səsvermədə iştirak edirəm. Çox şanslıyam ki, qalib ölkənin vətəndaşı olaraq Zəfər seçkilərində iştirak edirəm.
Bu fikri AZƏRTAC-a açıqlamasında gənc seçici, ilk dəfə səsvermədə iştirak edən Ləman Allahverdiyeva söyləyib.
“Hisslərimi sözlərlə ifadə etmək çox çətindir. Azərbaycanın torpaqları işğaldan azad olunub. Bu gün vətəndaşlarımız Xankəndi, Şuşa və işğaldan azad olunan digər ərazilərimizdə səs verilər. Tarixi anlardı, çox sevincliyəm”, - deyə Ləman Allahverdiyeva vurğulayıb.
Gənc seçici bildirib ki, Kiyevdə yaşayan ukraynalı həmyaşıdları Azərbaycanın inkişafına qibtə edirlər. Bildirirlər ki, Azərbaycan kimi qüdrətli bir ölkənin gənci olmaq xoşbəxtlikdir.
Emil Hüseynli
AZƏRTAC-ın xüsusi müxbiri
Kiyev