SİYASƏT
Kiyevdə səs verən seçici: Zəfər seçkilərində qürurla iştirak edirik
![Kiyevdə səs verən seçici: Zəfər seçkilərində qürurla iştirak edirik](/files/2024/1/1200x630/17072988511477728312_1200x630.jpg)
Kiyev, 7 fevral, AZƏRTAC
Bu gün Kiyevə raket hücumları olmasına baxmayaraq, Zəfər seçkilərində qürurla iştirak edirik.
Bu fikri Kiyevdə səs verən seçici Kamran İsmayılov AZƏRTAC-a açıqlamasında söyləyib.
O bildirib ki, Zəfər seçkiləri əvvəlkilərdən fərqlənir, səsvermə Azərbaycanın bütün ərazisində keçirilir. “Ukraynada yaşayan Azərbaycan vətəndaşları da səsvermədə iştirak etməyi özlərinə borc bilirlər. Mən də öz ailəmlə gələrək səs verdim. Azərbaycanda bütün sahələrdə quruculuq, inkişaf, islahat, yüksəliş müşahidə olunmaqdadır. Əminəm ki, Ukraynada yaşayan Azərbaycan vətəndaşları da seçkilərdə fəal iştirak edəcəklər”, - deyə K.İsmayılov bildirib.
Emil Hüseynli
AZƏRTAC-ın xüsusi müxbiri
Kiyev