Korsika muxtariyyəti: Konstitusiya mətni korsikalı siyasətçilərə təqdim olunacaq
Paris, 16 fevral, AZƏRTAC,
Emmanuel Makronun Korsika üçün təklif etdiyi “muxtariyyət”ə icazə verən konstitusiya mətninin layihəsini təqdim etmək üçün daxili işlər naziri Gerald Darmanin Korsikanın seçilmiş rəsmiləri ilə görüşəcək.
AZƏRTAC franceinfo.fr saytına istinadla xəbər verir ki, 2023-cü il sentyabrın 18-də Korsikaya səfəri zamanı Makron sağçı müstəqillik tərəfdarları, siyasi qruplar da daxil olmaqla adaya respublika daxilində muxtariyyət vermək üçün konstitusiya mətni ilə bağlı hökumətlə razılığa gəlmək üçün altı ay vaxt vermişdi.
Buna görə də Gerald Darmanin konstitusiya qanununun düzəliş edilməsi mümkün olan layihəsini təqdim etmək üçün Korsika icra şurasının muxtariyyətçi prezidenti Jil Simeonini, eləcə də Korsika siyasi ailəsinin əsas liderlərini şam yeməyinə dəvət edib.
Bu görüşdən sonra martın ortalarında yenidən Korsikaya qayıdacaq fransız nazir mətnin təsdiqi üçün zəruri olan Versal Konqresində şans əldə etmək üçün Korsika icra şurasının muxtariyyətçi prezidenti Jil Simeoniyə sağçı müxalifətlə razılığa gəlməyə dair çağırış edib.
Adanın statusunun konstitusiya islahatına nail olmaq üçün qanun layihəsi Konqresdə təsdiq edilməzdən əvvəl Milli Assambleya, sonra Senat tərəfindən eyni şərtlərlə səsə qoyulmalıdır. Layihənin konstitusiya mətninin məzmununa gəlincə, nazir vurğulayıb ki, Korsika xüsusi, linqvistik, mədəni birlik icmasıdır, mətndə Korsika dilinin layiq olduğu dəyərdə tanınması da ehtimal oluna bilər.
Bölmənin digər xəbərləri
