Kreml bir sıra dövlət başçılarının Qələbə paradında iştirak edə bilməməsinə anlayışla yanaşır
Moskva, 24 iyun, AZƏRTAC
Kreml bir sıra dövlət başçılarının Qələbə paradına gələ bilməməsinə anlayışla yanaşır.
AZƏRTAC xəbər verir ki, Kremlin mətbuat katibi Dmitri Peskov bu fikri jurnalistlərə bildirib.
O deyib ki, bir sıra dövlət başçıları koronavirus pandemiyası ilə bağlı məhdudiyyətlər səbəbindən təntənəli tədbirlərdə iştirak edə bilmirlər. Kremlin nümayəndəsi vurğulayıb ki, həmin dövlət rəhbərləri əvvəlcədən Moskvaya gəlməyə razılıq vermişdilər. “Buna görə biz onlara minnətdarıq”, - deyə o bildirib.
D.Peskovun sözlərinə görə, 10-a yaxın ölkənin dövlət başçısı Moskvada təşkil olunacaq paradda iştirak edəcək.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
