KUBADA EHTİYATDA OLAN HƏRBÇİLƏR ORDUDAN TƏRXİS EDİLİRLƏR
AZƏRTAC xarici KİV-lərə istinadla xəbər verir ki, Havanada tam sakitlikdir. İlk baxışdan insanlar son həftələrdə baş verənlərlə əlaqədar heç bir narahatlıq büruzə vermirlər. Lakin bir çoxları məxfi söhbətlər zamanı deyirlər ki, rəsmi kommunist mətbuatında taqətdən düşmüş Fidel Kastronun şəklinin dərc olunması onları dərindən sarsıtmışdır. Kuba əhalisinin 70 faizi bütün həyatını Fidel Kastronun rəhbərliyi altında yaşamış və onun fövqəlinsan olduğuna əmindir.
Kuba təbliğatı baş verənlərdən diqqəti yayındırmağa çalışır. Hakimiyyətin böyük qardaşdan kiçik qardaşa keçməsinə baxmayaraq, avqustun 16-da verilən məlumatda deyilirdi ki, tanınmış jurnalistin dəfninə Baş komandan Fidel Kastro və ordu generalı Raul Kastronun adından əklillər göndərilmişdir. Beləliklə, hətta səlahiyyətlərini qardaşına verməsinə baxmayaraq, Fidel Kastro Kubanın başçısı olaraq qalır.
Bölmənin digər xəbərləri
