Kür çayının aşağı axınında suyun səviyyəsində azalma qeydə alınmışdır
Bakı, 10 fevral (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti çayların sululuğu ilə bağlı apardığı araşdırmanın nəticələrini açıqlamışdır.
Nazirliyin mətbuat xidmətindən AZƏRTAC-a bildirmişlər ki, araşdırmanın nəticələrinə əsasən, Böyük Qafqazın Quba-Xaçmaz bölgəsi çaylarında sululuq ongünlük normanın 150-220, Kiçik Qafqazın çaylarında 130-140, Lənkəran-Astara bölgəsi çaylarında 50-70, Naxçıvan MR çaylarında isə 50 faizini təşkil etmişdir.
Fevralın 10-da Kür çayının Qıraqkəsəmən məntəqəsində suyun səviyyəsində 4 santimetr azalma müşahidə olunmuşdur. Qanıx çayının Əyriçay məntəqəsində isə suyun səviyyəsində dəyişiklik baş verməmişdir.
Suyun səviyyəsinin Kür çayının aşağı axınındakı məntəqələrdə - Salyanda 9, Bankədə 7, Surrada, Şirvanda və Araz çayının Novruzlu məntəqəsində 10 santimetr azaldığı qeydə alınmışdır.
Hazırda suyun səviyyəsi Surrada 404, Şirvanda 285, Salyanda 261, Bankədə 232, Novruzlu məntəqəsində isə 190 santimetrdir.
Bölmənin digər xəbərləri
